![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Komisioni i Disiplinës ka shtyrë për një datë tjetër vendimin për çështjen “Skënderbeu”. FSHF ka njoftuar shtyrjen e datës së vendimit për klubin korçar ndaj të cilëve ka mbërritur dosja e UEFA-s me aludimet për trukim ndeshjesh.
“Sot është mbledhur në FSHF Komisioni i Etikës i cili në mbledhjen e realizuar ka administruar provat dhe ka diskutuar për çështjen në tërësi, atë të dosjes “Skënderbeu”. Hetimi për këtë çështje vijon dhe data e mbledhjes së radhës është vendosur nga anëtarët e këtij Komisioni të zhvillohet në datën 8 qershor”, thuhet në reagimin zyrtar të FSHF-së.
Ndërkohë që kujtojmë që disa ditë më parë ish-presidenti i Flamurtarit, Shpëtim Gjika paralajmëroi një skenar ku përfshihej rrëzimi i Tiranës nga kategoria dhe më pas rrëzimi i Skënderbeut nga Komisioni i Etikës, pas urdhrit të UEFA-s.
Ende është për tu parë se çfarë vendimi do të merret nga anëtarët e komisionit të cilët po vazhdojnë hetimet.